खेलकुद

सैनामैनामा राष्ट्रिय ब्याडमिन्टन प्रतियोगिता हुने

रेडियो टाइम्स
`

सैनामैना, मंसिर २६

रुपन्देहीको सैनामैनामा प्रथम राष्ट्रिय खुला मेन्स डबल तथा भेट्रान ब्याडमिन्टन प्रतियोगिता शनिबारदेखि हुने भएको छ।  मंसिर २७ देखि २८ गते सम्म प्रतियोगिता हुने आज पत्रकार सम्मेलन मार्फत जानकारी गराइएको  छ। सैनामैना ब्याडमिन्टन क्लबको आयोजनामा  प्रतियोगिता हुने छ।

खेलकुद क्षेत्रको विकासका लागी ब्याडमिन्टन प्रतियोगिता सञ्चालन गर्न लागीएको क्लबका अध्यक्ष नन्द बहादुर थापा क्षेत्रिले बताउनुभयो ।

प्रतियोगितामा काठमाडौँ, कास्की, चितवन, मकवानपुर, स्याङ्जा, कास्कीलगायत जिल्लाबाट ६० समूहको सहभागिता रहने ब्याडमिन्टन प्रतियोगिताका खेल संयोजक धर्म न्यौपानेले बताउनु भयो । नेपाली सेना र नेपाल प्रहरीका खेलाडीले नामसमेत दर्ता गरिसकेको उहाँले जानकारी दिनुभयो । 

राष्ट्रिय खुला मेन्स डबलको पुरस्कारमा क्रमशः प्रथम रु ५१ हजार, द्वितीय रु ३५ हजार र तृतीयलाई रु २० हजारसहित ट्रफी र प्रमाणपत्रको व्यवस्था गरिएको छ। भेट्रानतर्फ क्रमशः प्रथम रु. ३० हजार द्वितीय रु २० हजार र तृतीयलाई रु १५ हजारसहित ट्रफी र प्रमाणपत्रको व्यवस्था गरिएको छ।

राष्ट्रिय खेलकूद परिषद्, ब्याडमिन्टनका सङ्घका प्रमुख प्रशिक्षक सुदीप योञ्जन, अम्पायर सुदीप शाक्य र उदय अर्याललगायत सैनामैना आइपुगेका छन्।


प्रकाशित मिति: ७ घण्टा पहिले
प्रतिक्रिया दिनुहोस्