स्थानीय

गुल्मीमा नदीजन्य पदार्थहरु उत्खनन गर्नमा रोक

रेडियो टाइम्स
`

१० मंसिर ,गुल्मी

गुल्मीमा नदीजन्य पदार्थहरु उत्खनन गर्नमा रोक लगाइएको छ। जिल्ला प्रशासन कार्यालय गुल्मीले सबै स्थानीय तहहरुलाई पत्राचार गर्दै नदीहरु तथा खोलाहरुबाट ढुंगा, गिटी, बालुवा  उत्खनन तथा संकलनमा रोक लगाएको प्रमुख जिल्ला अधिकारी भरतकुमार शर्माले जानकारी दिए।

गृह मन्त्रालयको कात्तिक २८ गतेको परिपत्रअनुसार नदीजन्य पदार्थ उत्खनन तथा संकलनमा  जिल्लाभर रोक लगाएको जिल्ला प्रशासन कार्यालय गुल्मीले जनाएको छ।

यस्तै, जिल्लामा सञ्‍चालनमा रहेका क्रसर उद्योगहरु मापदण्डअनुसार सञ्‍चालनमा रहे नरहेको पनि अनुगमन गरिरहेको प्रशासनले जनाएको छ। प्रशासनको निर्देशनलाई यदि कसैले अटेर गरे कानुन अनुसारको कारबाही गर्ने प्रशासनले जनाएको छ।  


प्रकाशित मिति: बुधबार, मंसिर १०, २०७७, १३:५५:००
प्रतिक्रिया दिनुहोस्