स्थानीय

सैनामैनामा थप ७ जनामा कोरोना पुष्टि, समुदायस्तरमा संक्रमण देखिएपछि भदौ २० गतेसम्म कडा लकडाउन 

रेडियो टाइम्स
`

भदौ १४, सैनामैना । 
रुपन्देहीको सैनामैनामा समुदायस्तरमा कोरोना संक्रमण देखिन थालेको छ । आईतबार थप ७ जनामा कोरोना संक्रमणको पुष्टि भएको हो । संक्रमित मध्ये १ जना क्वारेन्टाईनमा बस्दै आएका हुन भने अरु सबै समुदायस्तरबाट गरिएको परिक्षणमा कोरोना संक्रमण देखिएको सैनामैना नगरपालिकाको स्वास्थ्य शाखाका प्रमुख हेमराज पन्थीले जानकारी दिनुभयो ।

नगरपालिकाले समुदाय स्तरमा गरेको कोरोना परिक्षणका क्रममा ६ जना संक्रमित भेटिएको उँहाले जानकारी दिनुभयो । सैनामैना नगरपालिका वडा नंं. २ मा १ जना, वडा नं. ३ मा १ जना, वडा नं. ४मा ३ जना, वडा नं. ६ मा १ जना, वडा नं. ९ मा १ जनामा कोरोना संक्रमण देखिएको उँहाले बताउँनुभयो ।

नगरपालिकाले समुदायमा स्वाव संकलन गरि प्रादेशिक प्रयोगशाला भैरहवामा परिक्षणको लागि पठाएको थियो । यो सँगै अहिले सम्म सैनामैनामा ५४ जना कोरोना संक्रमित पुगेका छन् । अहिलेसम्म ४४ जना निको भएर घर फर्किएको स्वास्थ्य शाखाले जानकारी दिएको छ । 

यस्तै समुदायस्तरमा कोरोना संक्रमण देखिएपछि नगरपालिकाले भदौ २० गतेसम्म कडा लकडाउन गर्ने निर्णय समेत गरेको छ । लकडाउन भदौ २० गते राति १२ बजे सम्म अझ कडाईका साथ गरिने भएको  छ ।


प्रकाशित मिति: आईतबार, भदौ १४, २०७७, १६:२२:००
प्रतिक्रिया दिनुहोस्