रुपन्देहीमा विजुलीको तारबाट माछा मार्नेक्रममा करेन्ट लागेर एकको मृत्यु

`

सैनामैना, भदौ १३।

रुपन्देही जिल्लाको सैनामैना नगरपालिका ९ स्थित बनरहवा खोलामा करेन्ट लगाएर माछा मार्ने क्रममा शुक्रवार एकजनाको मृत्यु भएको छ ।

मृत्यु हुनेमा स्थानीय ४५ वर्षीय भीमवहादुर नेपाली रहेको सैनामैना वडा नं. ९ का वार्ड अध्यक्ष डोलराज भण्डारीले बताउनु भयो ।

भण्डारीका अनुसार मृतक नेपालीले विजुलीको तारबाट सिधै करेन्ट लगाएर खोलामा माछा मार्न लाग्दा उनैलाई करेन्ट लागेर मृत्यु भएको हो ।

करेन्ट लागेपछि उनलाई लुम्विनी प्रादेशिक अस्पताल बुटवलमा उपचारका लागि लगिएकोमा उनको त्यही मृत्यु भएको प्रहरीले जानकारी दिएको छ ।

नेपाली सहित ९ जना माछा मार्नको लागि खोलामा गएका थिए । प्रहरीले माछा मार्न गएका ८ जनालाई निण्न्त्रणमा लिएर अनुसन्धान सुरु गरेको ईलाका प्रहरी कार्यालय सालझण्डीले जानकारी दिएको छ ।

पछिल्लोसमय खोलामा करेन्ट लगाएर माछा मार्नेक्रम बढ्दै गएको छ जसका कारण मानवीय क्षति समेत बढेको छ ।